«ԱՊԱԳԱ ՀԱՅԿԱԿԱՆԸ» նախաձեռնությունը սկսել է երիտասարդական քննարկումների շարք Երևանում: Ապագա Հայկականի երիտասարդական քննարկումները հայ երիտասարդների միջև երկխոսությունը խրախուսելու, կառուցողական բանավեճի մշակույթը Հայաստանում և Սփյուռքում առաջ մղելու նպատակ ունեն՝ խթանելով մեր միասնական ապագայի տեսլականի ձևավորման գործընթացը տարբեր ոլորտներում:
Առաջին հանդիպումը տեղի է ունեցել Հայ-Ռուսական համալսարանում: Ուսանողները քննարկել են նախաձեռնության 15 նպատակներից մեկը՝ «Հայաստան-Սփյուռք միասնականություն»-ը: Երիտասարդները հանդես են եկել հետաքրքիր առաջարկներով, բաց, անկաշկանդ մթնոլորտում քննարկել թեմային առնչվող խնդիրները: Քննարկման ավարտին էլ քվեարկել են ծրագրային նախընտրելի առաջարկների օգտին:
Երիտասարդական հաջորդ քննարկումը տեղի կունենա դեկտեմբերի 5-ին Հայաստանի Եվրոպական համալսարանում:
Լուսանկարներ
Տեսանյութեր
