Ապրիլի 21-ին, Երևանի ժամանակով 18:00-ին (GMT+4) FAST-ի հետ համատեղ տեղի կունենա «Կյանքի ծագումից մինչև շրջանաձև կենսատնտեսություն. Կենսահեն արդյունաբերական հեղափոխություն» թեմայով քննարկում։
Կենսատնտեսությունը նորարարական կենսահեն տեխնոլոգիաների և հարակից գիտելիքների ներդրմամբ կենսաբանական պաշարների վերարտադրմանը, յուրացմանը և պահպանմանը ուղղված արտադրական գործընթացների կազմակերպումն է: Այն նպատակ ունի տնտեսության մյուս ճյուղերին ապահովել բարձր տեխնոլոգիական արտադրանք: Կենսատնտեսությունն իր տարաբնույթ հնարավորություններով կարող է կարևոր ներդրում ունենալ համըդհանուր խնդիրների լուծման գործում: Թվայնացուման նման, կենսահեն տնտեսությունը հիմնարար փոփոխություններ է խոստանում հասարակության և արդյունաբերության բազմաթիվ, այդ թվում, աշխարհի աճող բնակչության առողջապահական կարիքների, սննդի, էներգիայի և ջրի պաշարների կայուն ապահովման, ինչպես նաև բնապահպանական ոլորտներում: Անցումը «Կանաչ տնտեսության» հնարավոր չէ առանց բնական գիտությունների հիմքով նորարարական տեխնոլոգիաների զարգացման, ինչպես նաև ակադեմիական և արդյունաբերական տարբեր ճյուղերում նոր քաղաքականության մշակման: Այսպիսի գիտատար և միջոլորտային մոտեցումը կապահովի նավթահեն տնտեսությունից սահուն անցումը բնապահպանական տեսանկյունից նախընտրելի վերականգնվող և շրջանաձև տնտեսությանը (կենսատնտեսության):
Քննարկման լեզուն. անգլերեն:
Քննարկման օրն ու ժամը. 2021 թ.-ի ապրիլի 21-ին, Երևանի ժամանակով՝ 18:00 (GMT+4) Մոսկվայի ժամանակով՝ 17:00 (GMT+3), Լոնդոնի ժամանակով՝ 15:00 (BST), Նյու Յորքի ժամանակով՝ 10:00 (EDT):
Միջոցառումը բաց է բոլորի համար: Դուք կարող եք միանալ վեբինարին Zoom հղումով (խնդրում ենք գրանցվել այստեղ) կամ Ֆեյսբուքի Futures-Studio էջի օգնությամբ։
Խնդրում ենք ձեր հարցերն ուղարկել նախապես discussion@futures-studio.org էլ. հասցեով:
Տեսանյութեր
