Բնակչության աճ փորձագիտական հանձնախումբ

Անաստաս Աղազարյանը պատմական և տնտեսագիտական գիտությունների թեկնածու է: Եղել է տարածքային կառավարման և տեղական ինքնակառավարման վերաբերյալ ՀՀ վիճակագրության պետական խորհրդի անդամ։ 2012-2013թթ.-ին եղել է ՀՀ Ազգային վիճակագրական ծառայության նախագահի խորհրդական։ Պարոն Ազարյանը ՄԱԶԾ Կլիմայի փոփոխության ծրագրի փորձագետ է, Կառավարման և ֆինանսների ֆակուլտետի դեկան: 2019 թվականից ՀՀ առողջապահության նախարարություն առողջապահության ազգային ինստիտուտի առողջապահության ազգային հաշիվների կենտրոնի ղեկավարն է։

Միրա Անտոնյանը սոցիալական պաշտպանության փորձագետ է, սոցիոլոգիական գիտությունների թեկնածու: Կրթություն է ստացել ԵՊՀ-ում, Լոնդոնի Տնտեսագիտության Դպրոցում, «Քարիջ» վերականգնողական կենտրոնում, Մեծ Բրիտանիայի Բաց համալսարանում: Տիկին Անտոնյանն ունի բազմաբնույթ և հարուստ աշխատանքային փորձ: 1992-2005թթ.-ին աշխատել է Հայկական Կարմիր Խաչում, Երեխաների աջակցության կենտրոնում, ՄԱԿ-ի մանկական հիմնադրամում: 2009-2010թթ.-ին աշխատել է ՄԱԿ-ի մանկական հիմնադրամում որպես սոցիալական պաշտպանության ազգային փորձագետ, 2011-2013թթ.-ին՝ Համաշխարհային բանկում որպես սոցիալական պաշտպանության փորձագետ և 2012-2013թթ.-ին՝ Եվրոպական միությունում որպես գլխավոր սոցիալական փորձագետ: Տիկին Անտոնյանը հիմնադիր նախագահ է Հայաստանի սոցիալական աշխատողների ասոցիացիայում: Հրավիրյալ և հիմնական դասախոս է բազմաթիվ համալսարաններում: Մասնակցել է բազմաթիվ հետազոտությունների, ծրագրերի և կոնֆերանսների: Հեղինակել է մի շարք հոդվածներ և աշխատանքներ:

Լևոն Աֆեյանը հայազգի արդյունաբերական ձեռնարկատեր է Կանադայում։ Նա ծնվել է Լիբանանում և տեղափոխվել է Կանադա 15 տարեկանում: Նա Seatply Products Inc-ի հիմնադիրն ու գործադիր տնօրենն է: Որպես Մոնրեալի հայ համայնքի ակտիվ անդամ՝ նա անամակցել է բազմաթիվ հայկական կազմակերպությունների խորհուրդներում։ Նա նաև եղել է FCCQ-ի (Քվեբեկի առևտրային պալատների դաշնության) ակտիվ անդամ և եղել է Ձեռնարկատիրության և նորարարության հանձնաժողովի, ինչպես նաև Արտադրության և արտահանման հանձնախմբի կազմում: 2022 թվականին պարոն Աֆեյանը Հայաստանի Հանրապետության կողմից նշանակվել է իր պատվավոր հյուպատոս Քվեբեկ նահանգում։

Արա Բաբլոյանը հայ ականավոր մանկական վիրաբույժ-ուրոլոգ է, բժշկական գիտությունների դոկտոր, պրոֆեսոր: 1971թ.-ին ավարտել է Երևանի Մ. Հերացու անվան պետական բժշկական ինստիտուտի մանկաբուժական ֆակուլտետը: 1971-1998թթ.-ին մանկական վիրաբուժության, երիկամների և լյարդի փոխպատվաստման մասնագիտացnւմ և վերապատրաստումներ է անցել Ռուսաստանում, Բելգիայում, Շվեյցարիայում, Ֆրանսիայում: 2003-2005թթ.-ին եղել է Առողջապահության համաշխարհային կազմակերպության (ԱՀԿ) Եվրոպայի տարածաշրջանային կոմիտեի մշտական հանձնաժողովի անդամ, 2008-2012թթ.-ին` ԱՀԿ գործադիր կոմիտեի անդամ: 2007-2015թթ.-ին եղել է Հայաստանի մանկական բժիշկների ասոցիացիայի նախագահ, Եվրոպական մանկական ուրոլոգների միության անդամ, Շվեյցարիայի նեֆրոլոգների միության անդամ, Բելգիայի բժշկության թագավորական ակադեմիայի անդամ: Պրն. Բաբլոյանը ՀՀ առողջապահության նախարարության գլխավոր մանկական վիրաբույժն է: 2007-2012թթ.-ին եղել է ԱԺ պատգամավոր, իսկ 2017-2018թթ.-ին՝ ԱԺ նախագահ: Պրն. Բաբլոյանը հեղինակ է 3 գյուտի, 7 մենագրության, 215 գիտական հոդվածի, արժանացել է բազմաթիվ պետական և միջազգային պարգևների:

Գերաշնորհ Տ. Բագրատ արքեպիսկոպոս Գալստանյանը Հայ Առաքելական Եկեղեցու Տավուշի թեմի առաջնորդ և գերագույն հոգևոր խորհրդի անդամ է: 1995թ.-ին գերազանցությամբ ավարտել է Գևորգյան հոգևոր ճեմարանը և ձեռնադրվել է կուսակրոն քահանա: 1996-1998թթ.-ին եղել է «Էջմիածին» պաշտոնական ամսագրի գլխավոր խմբագիր և Ամենայն Հայոց Գարեգին Ա Կաթողիկոսի գավազանակիր: Հետագայում կրթությունը շարունակել է Անգլիայի Լիդձ քաղաքի համալսարանում և Մըրֆիլդի Ս․ Հարության աստվածաբանական քոլեջում, իսկ Մոնրեալի Քոնքորդիա համալսարանում պաշտպանել է աստվածաբանության և կենսբանական բարոյագիտության թեկնածուական թեզը: 2003 թ. հունիս 22-ին ձեռնադրվել է եպիսկոպոս՝ ձեռամբ Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի, իսկ 2023թ. փետրվարի 17-ին՝ արքեպիսկոպոս՝ ձեռամբ Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի: Բագրատ Սրբազանը նաև եղել է Հայ եկեղեցու Կանադայի հայոց թեմի առաջնորդ:

Հովհաննես Գրիգորյանը սոցիոլոգ է, դասախոս, Breavis-ի տնօրեն և հիմնադիր: Սովորել է սոցիոլոգի կրթություն Երևանում, Մոսկվայում և Ֆրանկֆուրտում։ Պարոն Գրիգորյանը շուրջ 20 տարի աշխատել է կիրառական սոցիոլոգիայի, մոնիտորինգի, մարքեթինգի և նախագծերի կառավարման ոլորտներում և 8 տարի դասավանդել է տեսական սոցիոլոգիա և սոցիալական հետազոտության մեթոդիկա: 2004-2006թթ.-ին աշխատել է Ճապոնիայի միջազգային համագործակցության գործակալությունում (JICA) որպես սոցիալական հետազոտության փորձագետ: 2005-2015թթ.-երին եղել է ԵՐԻՏԱԿ երիտասարդական ՀԿ-ի համանախագահ: Պարոն Գրիգորյանը Հայաստանի եվրոպացի բարեկամներ կազմակերպության (EuFoA) խորհրդի անդամ է: 2006թ.-ից նա Հայաստանի Breavis/IPSC շուկայական հետազոտությունների ինստիտուտի գործադիր տնօրենն է, որը մասնագիտացած է սոցիոլոգիական որակական և քանակական հարցումների, կարծիքների գնահատման, հաղորդակցության ռազմավարության մշակման և խորհրդատվության կազմակերպման, գնահատման և մշակման աշխատանքներում:

Կարեն Դադուրյանը միջազգային փորձագետ է, ով ունի փորձառություն առաջնորդության, ռազմավարական պլանավորման, կառավարման ոլորտներում, ինչպես նաև մասնագիտացված է ժողովրդագրության ոլորտում: Նա 27 տարի աշխատել է ՄԱԿ-ում, որից 24-ը՝ ՄԱԿ-ի Բնակչության Հիմնադրամում, որտեղ զբաղեցրել է մասնագիտական ու դիվանագիտական պաշտոններ մի շարք երկրներում, այդ թվում՝ Հայաստանում, ԱՄՆ-ում, Թուրքիայում, Եգիպտոսում ու Սիրիայում։ Նա ղեկավարել է մի շարք ազգային ու միջազգային ժողովրդագրական ծրագրերի մշակումն և իրականացումը, այդ թվում ճգնաժամ ապրող երկրներում, ինչպիսիք են Սիրիան, Իրաքը և Լիբիան: 2021թ․-ի հունվար-օգոստոս ժամանակահատվածում աշխատել է ՀՀ Արտաքին գործերի նախարարությունում՝ որպես Հումանիտար հարցերով նախարարի խորհրդական։ Ներկայումս նա աշխատում է որպես ժողովրդագրության փորձագետ, ինչպես նաև ղեկավարման, կառավարման և ռազմավարական պլանավորման հարցերով խորհրդական: Պարոն Դադուրյանը ավարտել է Երևանի պետական համալսարանի արևելագիտության ֆակուլտետը, ինչպես նաև ուսանել է միջազգային հարաբերություններ՝ Բեյրութի Հայգազյան համալսարանում: Նա նաև ավարտել է Մոսկվայի Պետական Համալսարան՝ Բարձրագույն տնտեսական դպրոցի “Ժողովրդագրություն ու զարգացում” մասնագիտական ծրագիրը, ինչպես նաև աշխարհի առաջատար համալսարաններում այլ մասնագիտական ծրագրեր։

Իրինա Դավթյանը միգրացիոն քաղաքականության բազմամյա և փորձառու մասնագետ է: 2001–2002թթ.-ին եղել է ՀՀ կառավարությանն առընթեր միգրացիայի և փախստականների վարչության միգրացիոն քաղաքականության բաժնի պետ: 2002-2005թթ.-ին եղել է ՀՀ կառավարությանն առընթեր միգրացիայի և փախստականների վարչության միգրացիոն քաղաքականության վարչության պետ: 2016-ից առ այսօր տիկին Դավթյանը զբաղեցնում է ՀՀ տարածքային կառավարման և զարգացման նախարարության միգրացիոն ծառայության պետի տեղակալի պաշտոնը:

Ռուբեն Եգանյանը ականավոր ժողովրդագիր է: Նա մասնակցել և ղեկավարել է մի շարք հետազոտություններ՝ նվիրված Հայաստանի ժողովրդագրական պատկերին, ժողովրդագրական միտումներին և հիմնական մարտահրավերներին:

Լիլիթ Եզեկյանը տնտեսագետ-վերլուծաբան է: Նա ավելի քան տասը տարի աշխատել է Հայաստանի կենտրոնական բանկում որպես տնտեսագետ-վերլուծաբան և տնտեսագետ-վիճակագիր: Նախքան այդ, 2004-2009 թվականներին նա վարչական և տնտեսական քաղաքականությանն առնչվող տարբեր պաշտոններ է զբաղեցրել Տնտեսական քաղաքականության և իրավական հարցերով հայ-եվրոպական խորհրդատվության կենտրոնում (AEPLAC)։ Լիլիթն այժմ սովորում է NOVA տեղեկատվական կառավարման դպրոցի վիճակագրության և տեղեկատվության կառավարման (տվյալագիտության) մագիստրատուրայում։ Նա մասնակցել է միջազգային մի շարք վերապատրաստման դասընթացների եւ կրթական ծրագրերի, այդ թվում՝ ԱՄՆ Ֆլետչերի իրավունքի և դիվանագիտության դպրոցում։ 2021թ.-ի ապրիլից նա հետազոտությունների գծով տնօրեն է ՀՌԿԿ-Հայաստան հիմնադրամում։

Սերոբ Խաչատրյանը կրթության փորձագետ է, դասախոս: 1996թ.-ից առ այսօր ԵՊՀ Փիլիսոփայության և հոգեբանության ֆակուլտետի պատմության, տեսության և տրամաբանության ամբիոնում որպես դասախոս։ 2010-2013թթ.-ին աշխատել է որպես Հայաստանի մանուկներ հիմնադրամի գործադիր տնօրեն, 2009-2010թթ.-ին՝ ծրագրերի ղեկավար, 2008-2009թթ.-ին` կրթական ծրագրերի ղեկավար։ Ներկայումս հիմնադրամի հոգաբարձուների խորհրդի անդամ է։ 1994-1997թթ.-ին աշխատել է Լրագիր օրաթերթում՝ որպես քաղաքական մեկնաբան։ 1997-2005թթ.-ին եղել է Կրթություն թերթի գլխավոր խմբագիրը։ 2006-2008թթ.-ին աշխատել է Կրթության ազգային ինստիտուտում։ 2007թ.-ին ղեկավարել է ՄԱԿ-ի Մարդկային զարգացման ազգային զեկույցի աշխատանքային խումբը։ 2018 թ. կրկին ընտրվել է ՄԱԿ-ի Մարդկային զարգացման ազգային զեկույցի աշխատանքային խմբի ղեկավար։ Հասարակագիտություն առարկայի 8-րդ, 10-րդ և 12-րդ դասարանների դասագրքերի, շուրջ 15 մեթոդական և ուսումնական ձեռնարկների համահեղինակ է։ Հեղինակ է նաև 2 մենագրությունների։

Կարինե Կույումջյանը ժողովրդագիր է, Հայաստանի Ազգային վիճակագրական ծառայության (ԱՎԾ) մարդահամարի և ժողովրդագրության բաժնի պետ:

Լիլիթ Ղանթարչյանը տնտեսագետ է, դասախոս և տնտեսագիտական գիտությունների թեկնածու: 2009-2014թթ.-ին դասավանդել է «ՅուԷսԻԷլ» (USEL) համալսարանում և 2015-2016թթ.-ին՝ Հայաստանի պետական տնտեսագիտական համալսարանում (ՀՊՏՀ): Տիկին Ղանթարչյանը 2015-2020թթ.-ին աշխատել է «Աշխատանքի և սոցիալական հետազոտությունների ազգային ինստիտուտ» ՊՈԱԿ-ի Անապահովության վիճակագրական գնահատման բաժնում որպես առաջատար մասնագետ: Մասնակցել է ՄԱԿ-ի մանկական հիմնադրամի, ՄԱԿ-ի հայաստանյան գրասենյակի, «Վորլդ Վիժն Ինթերնեյշնլ» կազմակերպության մի շարք ծրագրերի որպես փորձագետ և սուպերվիզոր: Ներկայումս աշխատում է «Գալիք» համալսարանում որպես դասախոս և «Աշխատանքի և սոցիալական հետազոտությունների ազգային ինստիտուտ» ՊՈԱԿ-ի Կենսաթոշակային և ժողովրդագրության բաժնում որպես ավագ հետազոտող: Հեղինակ է 10 գիտական հրապարակումների:

Հեղինե Մանասյանը տնտեսագիտության դոկտոր է, մանկավարժ: Դոկտոր Մանասյանը սովորել է Երևանի պետական համալսարանում, Կառավարման պետական ակադեմիայում (Մոսկվա), վերապատրաստվել է Կենտրոնական Եվրոպայի համալսարանում (Բուդապեշտ) և Կոլումբիայի համալսարանում (Նյու Յորք): Դոկտոր Մանասյանն ունի դասավանդման, հանրային հետազոտությունների ու քաղաքականության վերլուծության մեծ փորձ: Նրա փորձագիտական հիմնական ոլորտներն են` տնտեսական աճը և զարգացումը, անցումային տնտեսությունը, աշխատանքի շուկան, աղքատությունը և կրթությունը, սեփականաշնորհումը, ստվերային տնտեսությունը, կոռուպցիան և այլն: Մանասյանը գործուն մասնակցություն է ունեցել միջազգային կազմակերպությունների (TACIS, UNDP, UNFPA, UNWomen, UNIDO, UNICEF, WB, IFC, WFP, OECD, OSCE, USAID, EC և այլն) ֆինանսավորմամբ Հայաստանում իրականացվող այն ծրագրերին, որոնց նպատակը Հայաստանում տնտեսագիտական և սոցիոլոգիական հետազոտությունների և կրթության բարձր որակի ապահովումն է: Դոկտոր Մանասյանը հարյուրից ավելի հրատարակությունների, հետազոտական զեկույցների և հոդվածների հեղինակ է: Ներկայումս նա ՀՌԿԿ-Հայաստան հիմնադրամի պատվավոր (պաշտոնաթող) տնօրենն է: Ներկայացնում է Հասարակական կարծիքի ուսումնասիրության համաշխարհային ասոցիացիան (WAPOR) Հայաստանում: Համաշխարհային արժեքների հետազոտության ասոցիացիայի (WVSA) գիտական խորհրդի անդամ է:

Սամվել Մանուկյանը սոցիոլոգիայի, ժողովրդագրության, քաղաքագիտության և սոցիալ-տնտեսական ոլորտների գիտական վերլուծաբան է, դասախոս, սոցիոլոգիական գիտությունների թեկնածու: 1974-1979թթ. սովորել է Երևանի պոլիտեխնիկական ինստիտուտի Տեխնիկական կիբեռնետիկայի ֆակուլտետում՝ Կառավարման ավտոմատացված համակարգեր մասնագիտությամբ։ 1979-1990թթ․ դասավանդել է Երևանի պոլիտեխնիկական ինստիտուտում ալգորիթմական լեզուներ, ավտոմատ կառավարման տեսություն, կիրառական մաթեմատիկա դասընթացները։ 1977-1989 թթ․ ընթացքում գիտական և կիրառական աշխատանքներ է կատարել արհեստական բանականության ոլորտում։ Պրն. Մանուկյանը հետազոտական աշխատանքներ է կատարել և պատրաստել է վերլուծական զեկույցներ ՀՀ Կառավարության, Երիտասարդության և սպորտի, Առողջապահության, Աշխատանքի և սոցիալական հարցերի նախարարությունների, ՀՀ Կենտրոնական բանկի, Համաշխարհային բանկի, UNDP, USAID, IFES և CRRC կազմակերպությունների պատվերներով։ Ներկայում աշխատում է «Օրբելի» վերլուծական կենտրոնում որպես վերլուծաբան, ինչպես նաև դասավանդում է ԵՊՀ Սոցիոլոգիայի և ԵՊՄՀ Կրթության հոգեբանության և սոցիոլոգիայի ֆակուլտետներում։ Պրն. Մանուկյանը հեղինակ է 300-ից ավելի գիտական և գիտա-վերլուծական աշխատանքների, այդ թվում, 24 մենագրության, 20 մենագրության՝ համահեղինակությամբ, 81 գիտա-վերլուծական զեկույցի, մոտ 200 հոդվածի։

Վարդան Մարաշլյանը տնտեսագետ է, տնտեսագիտական գիտությունների թեկնածու: 2001-2004թթ.-ին աշխատել է Ռուսաստանում տնտեսական գծով խորհրդական Բրիտանական Միջազգային Զարգացման Նախարարությունյան (DFID) և 1998-99թթ.-ին եղել է ՀՀ վարչապետի օգնական: 2010-2012թթ.-ին աշխատել է ՀՀ Սփյուռքի նախարարությունում որպես փոխնախարար՝ զբաղվելով հատկապես հայրենադարձության, ԱՊՀ երկրների և երիտասարդական ծրագրերով։ 2012թ․-ին դարձել է «Վերադարձ Հայաստան» հիմնադրամի (Repat Armenia Foundation) համահիմնադիր և գործադիր տնօրեն։ Պրն Մարաշլյանը «5165» ակումբի և «ԱրԱր» հիմնադրամի անդամ է, ինչպես նաև եղել է «Աջակցենք մեր պաշտպաններին», «Քաղաքացի Դիտորդ» և «Երևանի կիսամարաթոն» նախաձեռնությունների ակտիվ մասնակից և աջակից։ Ունի հարուստ փորձ որպես ազգային և միջազգային ֆորումների խոսնակ՝ մասնագիտական ելույթներ ունենալով պետություն-սփյուռք հարաբերությունների միջազգային փորձի, ազգային ինքնագիտակցության խնդիրների, հայրենադարձության և ինտեգրացիոն քաղաքականությունների մասին։

ՄԱՀՀԻ ասոցացված փորձագետ և ժողովրդագետ:

Հրանտ Միքայելյանը քաղաքագետ է, «Կովկաս» ինստիտուտի փորձագետ: 2009թ.-ին միացել է «Կովկաս» ինստիտուտի փորձագիտական թիմին որպես հետազոտող և մասնակցել է մի շարք հետազոտությունների սփյուռքի, միգրացիայի, փոքրամասնությունների, հասարակության, հակամարտությունների և այլ թեմաներով:

Արման Ոսկերչյանը մասնագիտությամբ բժիշկ է, բժշկական գիտությունների թեկնածու և երկար տարիներ զբաղվում է գործարարությամբ: Պրն. Ոսկերչյանը բժշկական տեխնոլոգիաների փորձագետ է և ունի ավելի քան 20 տարվա ղեկավարության փորձ բազմազգ առողջապահական ընկերություններում տարբեր աշխարհագրություններում: Սովորել է Երևանի պետական բժշկական ինստիտուտում և Ռուսաստանի պետական բժշկական համալսարանում: 2005թ.-ին Հարվարդի բիզնես դպրոցում ստացել է Executive MBA աստիճան: Պրն. Ոսկերչյանը զբաղվել է Johnson & Johnson ընկերությունում ռազմավարական պլանավորման հարցերով: Զբաղեցրել է Philips ընկերության գլխավոր տնօրենի պաշտոնը Ռուսաստանում և ԱՊՀ երկրներում, այնուհետև ղեկավարել է Philips-ի թերապևտիկ բիզնեսը ԱՄՆ-ում։ Ներկայումս Պրն. Ոսկերչյանը խորհրդատվական ծառայություններ է տրամադրում հանրային առողջապահական հաստատություններին, շահույթ չհետապնդող կազմակերպություններին և ընկերություններին: Արման Ոսկերչյանը ՀԵՆԱՐ-ի (Հայաստանի Առողջապահական Ցանց) հոգաբարձուների խորհրդի համահիմնադիրն ու նախագահն է:

Թևան Պողոսյանը հայ քաղաքական գործիչ է, Հայաստանի Ազգային ժողովի նախկին պատգամավոր: 1996 թվականին ավարտել է Հայաստանի պետական ճարտարագիտական համալսարանի համակարգչային տեխնոլոգիաների ֆակուլտետը, ունի Ճարտարագիտության մագիստրոսի գիտական աստիճան։ Նույն տարում ավարտել է նաև Հայաստանի ամերիկյան համալսարանի քաղաքագիտության և միջազգային հարաբերությունների ֆակուլտետը։ 1996-1997թթ.-ին եղել է Հայաստանի կենտրոնական բանկի վաճառքի և պահուստների վարչության մասնագետ, իսկ 1997 թվականից՝ Հայաստանի կենտրոնական բանկի հաշվեկշռի վերլուծության և մեթոդաբանության բաժնի պետը։ 1997-1999 թվականներին պրն. Պողոսյանը աշխատել է Արցախի Հանրապետության արտաքին գործերի նախարարությունում՝ Վաշինգտոնում տեղակայված Ամերիկայի Միացյալ Նահանգներում ԼՂՀ հանրային գործերի գրասենյակի տնօրեն։ 2000-2012թթ.-ին եղել է Մարդկային զարգացման միջազգային կենտրոնի գործադիր տնօրենը։ 2001-2012թթ.-ին պրն. Պողոսյանը եղել է Հայկական ատլանտյան ասոցիացիայի գործադիր տնօրենը։ Սրան զուգահեռ՝ 2002 թվականից դասավանդում է Հայ-ռուսական համալսարանում։ 2012 թվականի հոկտեմբերի 5-ին ԱԺ պատգամավոր է ընտրվել համամասնական ընտրակարգով «Ժառանգություն» կուսակցությունից։ Եղել է Հայաստանի Նախագահ Արմեն Սարգսյանի խորհրդականը:

Սուրեն Քրմոյանը իրավագետ է, իրավագիտության թեկնածու իրավունքի տարբեր ոլորտներում ավելի քան 24 տարվա մասնագիտական և կառավարչական փորձով: Նա առավելապես մասնագիտացած է պետական կառավարման բարեփոխումների, էլեկտրոնային կառավարման, քրեակատարողական, հակակոռուպցիոն, քաղաքացիական կացության ակտերի, իրավաբանական անձանց պետական գրանցման, անձնական տվյալների, առողջապահական և սոցիալական իրավունքի և այլն ոլորտներում: 2001-2011թթ.-ին եղել է ՀՀ առողջապահության նախարարության իրավախորհրդատու: 2011-2014 թվականներին պարոն Քրմոյանը եղել է Հայաստանի Հանրապետության առողջապահության նախարարության աշխատակազմի ղեկավար։ 2014-2019 թվականներին եղել է ՀՀ արդարադատության նախարարի տեղակալ։ 2021 թվականից ԴԻՋԻԹԱԼ ԱՐՄԵՆԻԱ-ի հիմնադիրն ու նախագահն է, իսկ 2022 թվականից՝ ՀԱՀ-ում իրավախորհրդատու։ Պարոն Քրմոյանը իրավաբանական մի շարք հիմնահարցերի վերաբերյալ ավելի քան 50 գիտական հոդվածների հեղինակ է։