Հայաստան-Սփյուռք միասնականություն

Խթանել ՀՀ-ի և Սփյուռքի համայնքների միջև համագործակցային ու փոխօգնության գաղափարների վրա հիմնված հայեցակարգի, կառույցների ու հարաբերությունների ձևավորումը, տարբեր ոլորտներում առկա խնդիրների հաղթահարման ուղիների մշակումը։

Առկա համակարգային խնդիրների անտեսման կամ հետաձգման արդյունքում աճել են խնդիրները: Մինչ օրս չի իրականացվել Սփյուռքի կարիքների կամ հնարավորությունների համալիր գնահատում, ինչը թույլ կտար ապահովել ոչ միայն հայության համար այդ ներուժի օգտագործումը, այլ նաև ՀՀ-ի ջանքերի ուղղորդումը Սփյուռքի հզորացմանը: Այս համատեքստում «ԱՊԱԳԱ ՀԱՅԿԱԿԱՆԸ» նախաձեռնության նպատակն է նաև ձևավորել համահայկական ներուժի համախմբման ինքնատիպ հարթակ, որը կապահովի վերոնշյալ խնդիրների աստիճանական լուծում: